“o下, 咁快又5周年喇, 4周年完o左無耐之喎” 呢個就係當我見到招募5周年晚會義工果陣時第一個冒出黎o既念頭. 事實再一次証明時間係過得好快, 又唔到我唔認係 hkdiver.com o既中鬼(o拿o拿o拿, 話晒都係第106個登記o既版友, 3位數字黎架, 絕對唔係老鬼!!!) 咳咳咳, 講番正題先. 呃, 正題係mud呢?? 呀係, 5周年呀呵. 我相信大家都會問: 典解會用蕉黎做主題架? 咁有關人士o既答案係: 呢期最 hit o既係器官陳o既~~蕉, 如果唔用怕d版友會唔click入去報名果樹, 咁又係有d道理喎.

巧多o野送呀~

　話說又到5周年當日, 5點左右到達大埔小白鷺, 已經見到一大班工作人員響樹準備遊戲道具, 仲set好晒video同相機. 抱住唔好執輸o既心態, hurhur聲去簽到兼拎紀念品. 哇, 好精美o既gimme5小鋼片同賣大包小電筒呀! 今年d贊助人好大手筆耶~~ 咦, 仲有張啤牌喎, 又唔俾得人睇, 搞咩呢? 同場見到VIDEO大師係咁捉住D版友叫人跟稿讀, 話要黎剪片用喎, 抵佢係大師. 現場仲見到版友帶黎既各式各樣蕉, 真係估佢地唔到呀.

巴魯坦星蕉人1號同埋2號

巨蕉怪客

典解一齊黎又會唔同size既??

　6點半左右, 齊人咁滯喇. 司儀菲比同亞力士宣佈開band, 果段由hkdiver影片剪輯組 (咪玩啦, 其實黎黎去去味又係果一個人) 記錄o左hkdiver.com上年十大事件o既16分鐘笑片, 笑到全場反晒肚標晒眼淚. 跟住落黎當然唔少得我地o既普通版友水佬發表下心聲 (呀水佬唔該你下年俾d創意啦, 唔好又係果2句). 玩遊戲前太餓或者太飽都不適宜, 所以大家就響水佬講野o既同時, 搶閘跑去拎晒D食物返自己果組個爐度BBQ喇.

天未黑晒, 首領都未講話, 大家就已經起勢咁燒呀燒~~

　咁多年黎大大話話都玩o左好多個遊戲架喇喎, 今年究竟仲有咩野新意可以令大家玩得開心, 又唔悶, 又唔難玩, 又唔太巢… … o既呢? 真係難為晒我地o既遊戲小組 ( 掌聲鼓勵!)

咬咬咬咬

唔好嘔出黎呀

咁樣都叫箭咀?

decend 喎? 呢位究竟有無牌架? 怏d去上O仔啦.

你見過飛行唔講野未?

咦, 玩摔跤呀?

抱起一個又幾好計喎