9月16日星期六上晝要返工，未能早上跟大隊一齊入東坪洲，無法啦，搵食艱難。落船經已5pm，以為有人接船，點知比buddy笑我“笨”，趕快set樽，儘快落水!!!
不過聽到個壞消息，有隻海豚死了多時，並被海浪沖了上東坪洲沙灘………，安息吧！
玩完兩個 fun dives，已經好倦了，聽聞有d好有熱誠o既潛水員一日潛了五個dives。
潛水時發現好多數字牌，原來較早前打風，d船沖爛d珊瑚，數字牌係點算珊瑚損失……。
9月17日星期日一大清早，大藍天，大藍水，靚過好多外潛地方!!!
拿起網袋，齊齊落水執垃圾，落水前先影張大合照。
上水見到星期日d大軍原來已經加入清潔行列，一袋袋垃圾齊齊搬上岸。
午飯後，另一支清潔步隊出發了！
小女子就偷雞走去四周圍睇下，鳥語花香、藍天、藍水， 一絕！
回大本營歎番杯冰冰，正！
又到上船回程時間，有得玩、有得潛、有得食、有靚水、靚景、仲為海洋d老友記服務........明年一定再o黎過。
小女子特別嗚謝潛聚力同東坪洲May姐妥善安排，以及多謝所有提供相片的潛水員。
www.hkdiver.com
