5月19日中午，匆忙從公司趕到位於將軍澳既東華三院王余家潔紀念小學，我今次既任務，係為香港海洋生物相片分享～學校篇，作一個簡單既講解/介紹。

　　呢個當然係一早已到學校打點既義工畢地們辛勞既成果啦！入到去廣闊的禮堂，講台前面既壁報板都已經貼好主題相片啦！好搶眼！

　　5月29日早晨，係風雨中到達位於大埔既佛教慈航智林紀念中學，我見到操場既通道上，已放了貼滿海洋生物照既壁報板啦！又一次多謝前兩日到來學校釘相既義工們。

　　係接待我們既黃老師協助下，設定電腦投射．．．我即場又進行綵排，心情一樣緊張，由於中學既講稿，相片及資料與小學有很大不同，所以有許多資料都要重新記入腦，還來不及想太多，學生們已排排坐在台下。

　　經黃老師介紹後，我很快給學生們播出大白鯊的血盆大口相片引佢地注意，從而帶出鯊魚被濫捕做魚翅及絕種的問題，佢地好多都留心聽講，仲大嗌：「咁大條魚，只割魚鰭就掉，好浪費呀．．．」當我提到有東南亞漁民用山埃毒魚既時候，他們一臉的難以置信．．．

　　中學生比較含蓄，沒有小學生的好奇，但係佢地都對一些香港沒有既大型魚類既相片有很大既回應，希望當中可以令佢地由認識到欣賞，從欣賞去愛護。就如黃老師所講，或者不久既將來，佢地都會加入我地保育海洋既行列呢！