20 小時『企街』，對於我地哩班水底生物，絕對唔係容易事。

由構思到成事，當中開唔少次會議，好多義工勞心勞力，為係潛聚力決定要舉辦一個香港水域海洋生物攝影展。

主題Poster好吸引

義工們努力地貼相

27/8 禮拜六，義工們食過早餐後，就一齊努力佈置貼相，哩個時候終於見到過去幾個月黎計劃慢慢地堆砌成形。

攝影展由一個冷清清朝早開始，直到第二日一個熱鬧下午結束，由參觀人們交談中得知 --- 我地成功啦！！

相展佈置終於成形啦

兩日攝影展裡面，我地聽到好多市民對香港水域內仍然擁有美麗海洋生物發出讚美同驚訝聲音；同時，義工們亦努力由美麗海洋生物上帶出：人們需好好保護香港海底世界重要性。我地都慢慢覺得，市民對生態公德，係要由這些基本認識開始。今日我地同其中一個小朋友介紹海洋保育，或者有朝一日佢會為海洋生態做得更多，who knows ？！

好多朋友經過都埋黎參觀!

小朋友, 記得好好愛護我地個海洋呀!!